Edvard Munch

Dr Edvard Munch [ɛdvɒ:rt mʉŋk] (* 12. Dezämber 1863 z Løten, Hedmark, Norwääge; † 23. Januar 1944 uf Ekely z Oslo) isch e norwäägische Mooler und Grafiker gsi.

Dr Munch gältet as Baanbrächer für die expressionistischi Richdig in dr Moolerei vo dr Modärne. Z Dütschland und in Middelöiropa het er scho früe dr Ruef gha vo äim, won e Epoche wurd mache. Hüte si sini Äigenart und si Status scho lang uf dr ganze Wält anerkennt. Am bekanntiste si sini Wärk us de 1890er Joor.